السادة الاطباء ....شكرا

وعلى غير العادة

انا متفاءلة جدا النهارده

يمكن لان الاجازة قربت(واكيد ده شئ بيخلى شباب مصر كله يتفاءل)

لكن بصراحة بقى انا لاول مرة شفت عملية انقاذ حياة انسان

كاملة وبكل انفاعلات الناس فى الموقف ده

وشفت اطباء بجد اتشرف انهم موجودين فى المهنة دى

وحسيت ان الواحد ميخافش وهم موجودين

بس مش هكمل واقول بقى انى اتمنيت انى ابقى مريضة عشان يعالجونى

لالالالالالا مش للدرجة دى

بس فعلا تملكنى (حلوة اوى تملكنى دى )
شعور بالفخر
وسالت نفسى سؤال

ياترى كل واحد قرر انه يمارس مهنة الطب سال نفسه

انا فعلا جدير بالمهنة دى واقدر انقذ -باذن الله طبعا -حياة انسان وانا قد المسولية ولا لأ؟

وانا اصلا مهتم انى انقذ الارواح المعذبة ولا مش هبقى قد المسئولية؟

انا نفسى مسالتش نفسى بصراحة

بس كنت حبه انى اكبر ابقى دكتورة

البالطو والسماعة وعيادة ولازم طبعا تكون بالعيانين

وبابا وماما يفرحوا لما حد يقولهم يبقوا خلوا الدكتورة تفوت على فلان تشوفه لاحسن تعبان

يعنى الحركات بتاعة الافلام دى

اكيد كل واحد من الى فكر يدخلها كان فى دماغه كده بردوا

بس انا دلوقتى بفكر وقبل مانتخرج بسنة واحدة بس

ياترى انا هبقى قد المسئولية ولا لأ ؟ هل هقدر اخفف الالام الناس ولا هكون سبب فى زيادتها

اللى شفته النهارده فى انقاذ المريض المصاب فى حادث تصادم كان بجد مثال مشرف

مهارة

اهتمام

اتقان

روح الفريق

التعاون لصالح المريض بغض النظر عن اى مناصب

اكيد الوصف مش كفاية بس المنظر كان بجد رهيب

لما تحس ان انسان هيموت قدامك وغارقان فى دمه وبعد شويه

تشوفه منقول فى منظر مطمئن واحسن على سريره وحوله من يهتم لامره

اكيد ده يقرب المنظر شويه

عشان كده حسيت انى عايزة اقول لهؤلاء السادة الاطباء

شكرا-(مش بس على العمل)-

لكن على التمسك بانسانيتهم وادميتهم لحد دلوقتى

فى عصر تحطمت امامه كل الانسانيات

يارب يوم سعيد

النهاردة وقفة عرفات من أجمل الايام اللى بحبها فى السنة كلها ان مكنش اجملها على الاطلاق اتمنى من كل قلبى يكون يوم جميل علينا كلنا ويستجيب ربنا لكل داع وعشان كده عندى شوية ادعية جميلة احب تكون معايا علطول وبحب ارددها كتير على سبيل المثال منها: قبل الدعاء
"اللهم ربنا أمرتنا بالدعاء وتوكلت بالاجابة فلبيك اللهم لبيك لبيك لا شريك لك لبيك"
ودعاء اخر سمعت من اكتر من شيخ انه يشتمل معانى كثيرة مما دعا بها الرسول الكريم "عليه افضل الصلاة والتسليم"
ودى طبعا مجرد روايات لكن هو فعلا دعاء معانيه حلوة جدا
:
"اللهم انا نسألك من خير ما سألكمنه نبيك محمد (صلى الله عليه وسلم)ونعوذ بك من شر مااستعاذ منه نبيك محمد (صلى الله عليه وسلم)وأنت المستعان وعليك البلاغ ولا حول ولا قوة الا بك ."

فى كمان دعاء اعتقد معروف لكتير من الناس لكن فضله كبير ان شاء الله
هو استغفارات تسبق الدعاء
""لا اله الا الله لا شريك له ,له الملك وله الحمد , وهو على كل شئ قدير ,الحمد لله , الله اكبر..,سبحان الله ,لا اله الا الله,و لاحول ولا قوة الا بالله"ثم نقول اللهم اغفر لى +الدعاء اللى تفضله _تقول ماتود ان تدعى الله ان يستجيبه لك"


وممكن تسابيح بنعتقد انها بسيطة اجرها يكون عظيم واكبر مما تصور
يعنى أول مرة اعرف ان اجر قول "الحمد لله" مئة مرة يساوى اجر 3 مرات حج

والله اعلم طبعا

وقول "سبحان الله" مئة مرة ايضا يزيد من حساناتنا الف درجة

وافضل الذكر : هو قولنا "لا اله الا الله"
وأفضل الدعاء عندما ندعو الله باسمه الاعظم (وهو من الغيبيات اختص الله العظيم بها نفسه))


ولكن عن بعض الروايات لا ادرى مدى صحتها عن بعض الادعية عن النبى الكريم (ص) قيل ان فيها اسم الله الاعظم

منها :
"اللهم لا اله الا انت المنان بديع السماوات والارض ذو الجلال والاكرام"

واجتهد بعض العلماء فى محاولة معرفة ايها صحيح وعن البعض انه موجود فى ايه الكرسى فى سورة البقرة

وهى كلها مجرد اجتهادات لا احد يعلم مدى صحتها

كمان دعاء عند الكرب والحزن
"لا اله الا الله الحليم الكريم سبحان الله رب العرش العظيم سبحان الله رب السموات السبع ورب العرش الكريم"

من الادعية اللى تشتمل معان رائعة بردوا وخصوصا اليوم ده
الدعاء بالهداية والاستفار والتذلل لله وطلب تبديل ذنوبنا بحسنات
"ياارحم الراحمين برحمتك نستغيث فأغثنا وأبدل سيئاتنا حسنات فأقرر عينى نبينا محمد (صلى الله عليه وسلم)بى وبأمته"

"ربى انت ولى فى الدنيا والاخرة توفنى مسلما وألحقنى بالصالحين"


وبعض علماء الدين يرى ان من الافضل يكون فى اسلوب للدعاء او ترتيب افضل ليه
يعنى مثلا نبدا"ب..... الحمد لله وسلام على عباده الذين اصطفى

2- الصلاة على النبى (صلى الله عليه وسلم)


وربنا يهدينا جميعا ويرزقنا بكل الخير والثواب يارب يكون يوم سعيد لينا كلنا وماننساش ندعى لبعض كلنا أخوة مسلمين عشان ميفوتناش فضل الدعاء بظهر الغيب

لا اله الا الله , الحمد لله , سبحان الله , الله اكبر

"اللهم لا اله الا انت سبحانك انى كنت من الظالمين"

الله ماشفى كل مريض

اللهم ما اغفر للمؤمنين والمؤمنات الاحياء منهم والاموات"

كل سنة وانتوا طيبين وربنا يجعله عيد سعيد على الكل ان شاء الله

حب..........وعناد

ألا مفر من تلك الاوهام أحيرة تلك أم شبح للالام

أم هو حب شائك يغزوه فرسان الاوهام

لا أدرى حقا ماذا أفعل فى حب ينمو بلا استسلام

قلها ياقلبى بلا كبر احببته ولكن افقدنى الامان

ولعمرى لا أعرف كيف يجتمع الاثنان

عقلى يخبرنى بانه لاحب بلا أمان

وبأن القلب قد يخطئ لكن العقل هو الربان

فيا لمر التفكير مع قلب ملؤه النيران

نيران حب كالجحيم بلا هوادة تستعر ولا نسيان

فلم ياعقلى تأبى الاعتراف بان فى الحب لقلبى الوئام

وبأنه قد آن الاوان لحبى أن يولد بين عقل وقلب حمام

وبأن قلبى قد تنحى جانبا بكل ماينطق بغير الغرام

.....................

ايه مشفتش حرباية قبل كده

هل صادف والتقيت بحرباء!!!!!!!!!!أكيد

الحرباء فى معناها الاصطلاحى معناها الكائن القادر على تغير لون الطبقة الخارجية لجسمه وجعلها مناسبة
للبيئة المحيطة بيه لكى يستطيع الاحتماء والتحايل على ظروف محيطة

التصنيف العلمي للحرباء
المملكة: الحيوانات
الشعبة: الحبليات
الطائفة (الصف): الزواحف
الرتبة: الحرشفيات
تحت رتبة: السحالي
هذا هو ماورد عنها علميا ولكن كالعادة لكل كلمة اكثر من معنى
و هناك معنى لم يرد فى القاموس

الحرباء الحقيقة التى تستحق الاسم عن جدارة

هو كل شخص يتظاهر بشخصية ويخفى بداخله شخصية اخرى

انسان يرتدى امام الناس زى الفضيلة والاخلاق اذا تواجد فى وسط ملئ بهم

وذلك لاستفادة ما فى عقله وهدف يطمح فى الوصول اليه

حتى لو كان الهدف هو ايذاء احدهم او منع الخير عنه(مناع للخير )

ولا يلبث ان ينتزع هذا القناع بعد تحقيق غايته او بعد مايغادر الى وسطه الحقيقى ليكشر عن انيابه ويكشف عن شخصية دنيئة

لاتستحق منا سوى كل احتقار

ماذا عن انسان يمشى متظاهرا بالخجل لا يكاد يرفع عينيه فى وجوه الاخرين

ومن فرط غروره يعطى المواعظ والحكم

وما ان يستدير عنه بعض من يهمه ان يظهر بمظهره هذا امامهم

حتى يكشف عن وجهه الحقيقى المشوه ويهدم كل ماقاله من حكم

ويتناسى مواقفه ونظرات الخجل المصطنع التى كان يجيد اصطناعها

لتتحول لنظرات وقحة تهاجم كل من يوقع به سوء حظه تحت سيف تلك النظرات المجردة


قم يعود ليحدثنا عن المه الشديد وحزنه لتدنى المستوى الاخلاقى الذى الم بالناس

بل ويقارن بين هذا وذاك فى وقاحة منقطعة النظير

ولا بأس ابدا بجلسة موسعة من النميمة على احدهم (ولو بالزور)

مع تنهدات الالم والحسرة على هذه الاخلاق التى تنحل يوما بعد اخر

وماذا عن شخص اخر يلغى كل افكاره ويطيح بها عرض الحائط اذا مكن من مجالسة ومصادقة اخر له

بعض المميزات اللى يطمح الاخر فى بعضها

مما يجعله يتبنى كل اراءه مهما كانت ويشترك معه فى اطلاق تلك الاراء عن لسانه وتعميمها

بحيث تصبح رايا عاما بعد فترة قصيرة وترديد الاشاعات ولو كانت خاطئة

وتسريب اخبار خاطئة وتاكيدها لكل من يسال (على الرغم من امكان مساعدة الاخرين الا انه يضن بمجرد كلمة صادقة تخرج منه)

يتمنى رؤية الاخرين فى حيرة و قلق على ان يريحهم بمساعدة ولو بسيطة

ثم يعود ليظهر امام البعض الاخر بمظهر الملاك الطاهر الذى لم يقترف اثما بحياته سوى

انه برئ الى درجة لاتصدق وانه لا يستطيع تفسير شئ من تصرفات الاخرين الغير اسوياء نفسيا المحيطين به

وانه انسان راقي الطباع طيب رقيق الحاشية

وعندما تكتشف انت خبثه وسوء نيته(بصفتك واحد من الغير اسوياء الغير نقييى السريرة)

يدير عليك الامر ويخرج هو الصادق البرئ الذى لايستطيع تفسير تصرفاتك الغريبة

واخر لايستطيع اخفاء حقده على من هم اكثر منه علما او خلقا او اى صفة اخرى تميز انسان عن اخر

وعند اى ابتلاء يواجه صديقنا المتفوق تفاجئ برد فعل غريب وشماتة والعياذ بالله غير طبيعية

استغفر الله العظيم سعادة لم ارها من قبل سعادة انسان لفشل اخر

مجرد احساس الاخر بالحزن والاسف يشعر هذا الحرباء المشوه نفسيا بالانتشاء والرضا حتى وان لم يكن

نصرا شخصيا له

ولكنها النفس المريضة التى تسعد لشقاء الاخرين دون اسباب واضحة ودون سابق معرفة

هى مجرد امثلة لنماذج قابلتها امامى ولكن للعناية الالهية نماذج بعيدة عنى وعن مدارى الخاص

ولكن تابعتها عن بعد واندهشت من مسارها الغريب فى طريق التلون والخبث والخداع

مع نماذج اقل مايقال عنها انها مريضة وبحاجة للعلاج النفسى الطويل

لماذا بشخصنا نسبب الالم والحزن للاخرين برغم عدم ايذاؤهم لنا؟

لماذا نفضل ان نرى دمعة انسان على ان نرى ضحكة مشرقة او ابتسامة جميلة على وجهه؟

لماذا لا نرد الجميل ونحسن معاملة الناس كما حسنا الاسلام الحنيف؟

اعلم انه لايوجد بيننا ملاك كامل خالى من العيوب

ولكن لا يجب ان نترك انفسنا لتتحول الى وحوش ضارية لا تملك سلاحا سوى الانياب لتحطم

وتؤذى.
ويكفينى الايذاء النفسى كمثال للايذاء ولن اتحدث عن باقى الامثلة فى اى مجال اخر

مهما كانت اهميته

فاكثر ما يؤلم هو الايذاء النفسى له ألم لايضارعه الم,

خاصة لو اكتشفت فجاة ان الحرباء كانت موجودة بالقرب منك طوال الوقت ولا تشعر انت بها

ولم تلحظ لونها الحقيقى وسط طريق من الثقة احطت نفسك به ولم تنتبه اليها

وقالوها زمان مثل بالعامية
قالوا ايه:

"حرس ولا تخون"

وانا شفت واتاكدت انه صح

بس مش معنى كده ان الواحد يوهم نفسه انه مهم اوى والناس كلها حواليه بقت مملكة للحرباية
وهو مصدر اهتمامهم
ومحور احاديثهم وكلهم عايزين يؤذوه
دى تبقى حاجة تانية بيسموها البارانويا
وكمان مش معنى كده
الواحد يخاصم كل اصحابه عشان خايف حد منهم يطلع حرباية
وهو مش عارف (بقى فى بيرسول للحاجات دى)

لكن اقصد الوسطنة فى المعاملة لا كده ولا كده فقط لا نلتفت لتلك النماذج الشاذة

ومعاملتها كما تعامل الاتربة (هوا يعنى زى مااتامر قال نفففففض )

معلش طولت بس بعد موقف شفته واستفزنى فعلا اتكلم عنه

الحمد لله انه بعيد عن حبايبى وعنى بس بردوا مستفز اوى

سلام دلوقتى

ياواد يالعيب!!!!!!!!!!!!!!!فى الجون؟؟؟؟

بالمناسبة ياجماعة صحيح اللى يدخل يقولى بس الاول

عشان يدفع الربع جنيه اشتراك طبعا


هو انت ممكن تسيب اى حاجة مهما كانت عشان تروح تتفرج على ماتش؟؟؟؟؟


مش معقول طبعا



ولذلك كلامى لمن يفعل ذلك فقط
ادينى قلت اهوه
دى كانت سبب ثورة جمعاوى (اخ له ارائه التى يجب ان نفهمها جيدا)الحقيقة المرة دى
جيت انزل اجيبله لبس العيد بتاع كل سنتين
غالبا مكون من كرافات وشراب استك منه فيه
والباقى السنة الجيه
لقيت الدنيا فاضية
والمحلات مش شغالة
والناس تقولى فوتى علينا بكره
(هو انا كنت رايحة ابيع لبن؟)

وفجاة تفجر غضب جمعاوى وانسالت دموعه(على اساس انه حسيس موووت)
(بس محدش يقوله انى قولتلكو لاحسن مكانش معاه منديل
وقرر انه يقول كل حاجة ويحكى عن تجربته فى هذا المجال
اللى اتضحلى بعدها انها كانت فعلا.........

ولا اقول بعد ماتقروا هتعرفو كانت مجرد ايه
واللى يقرا ويخرج يشد اخر سطر معاه وهو خارج عشان الدنيا ساقعة اوى


ودلوقتى الميكرفون مع جمعاوى الخطير
(الللى بعد الكلام ده شكل عينه الشمال هتطير)


حوار بين أبو جهل و أبوكيكه



أكيد فى حاجه غلط .. الشارع فاضى مش ممكن ؟! وكمان الطريق سالك .. أمال الناس راحت فين

يارب حد يعدي دلوقتي عشان أسأله بقيت الناس راحت فين ؟!



- انا سامع حد جاى من ورايا ... اول مايعدى جنبى هساله فين الناس

- يا خيبتى دى طلعت قـٌطة معدية

وفجأه وانا ماشى لوحدى فى الشارع زى اللى ماشى على المريخ اخترق سمعى صوت كالرعد (جووووول)



- يعنى ايه الناس اختفت من الشوارع عشان تتفرج على حته ماتش .. صحيـح الفرجة ع الكورة مش عيب بس العيب ان الناس تبقى مش فالحه فى حاجه غير الكورة ومش متابعة لاى اخبار غير اخبار الكورة ومبتفهمش فى حاجة غير الكورة



- أهو فى واحد جاى يجرى من أخر الشارع ...

كابتن كابتن هو فيه ايه ؟ هؤ الناس بتزعق كدة ليه ؟

- قالى : انت مش عايش فى الدنيا الاهلى جاب جون

- قلتله (طبعا وانا باجرى جنبه ) هب هب هب (نفسى اتقطع منك لله) : يعنى الشوارع فاضية عشان ( ماتش كورة ) ايه الهيافه دى

- قالى : متوجعش دماغى انا عاوز الحق الماتش .. انت شكلك كده زبلكاوى ( وطار من جنبى )



ملحقتش اساله عن سر اهتمام شعبنا بالكورة رغم ان مستواها يكسف وكمان ملحقـتـش نفسى قبل ما أتخبط ف عمود النور ومشفـتـش قدامى غير "ابو جهل" بتاع نادى قريش الدولى واقف ع الناصيه مع

"ابوكيكة" بتاع كل النوادى(مفيش داعى للاستناتاجات العبقرية الطابع) وسمعت الحوار ده



أبو جهل : عمت مساءا يا أبا كيكة


أبو كيكة :صباح الفل احنا لسه بالنهار يا أبو جهل انت احتسيت ( ضربت يعنى؟؟؟) كاسين من النبيذ قبل ماتنزل



أبو جهل : معلش اصلها مضلمه عندى من زمان وحتى موبايلى فصل شحن .. لقد رايتك البارحه وانت تصول وتجول . ( عاريا الا من فانلة وشورت وكاب) وتتراكلون من أجل قطعة من الحجر فما اهيفكم(واللاتى والعزوة لاطيحن بكم جميعا ) !!



أبو كيكه : امال لو شفت المشجعين والمصايب اللى بيعملوها هتقول ايه ياجهلولتى ؟



أبو جهل : صحيح احنا كان بنا سفاهه ورقاعة .. يعنى عندك واحد مثلى كنت اصنع الهه من العجوى (مش بحبها خالص يعععععععع)اعبدها ثم اكلها حين اجوع بس مش للدرجه دى
(ياشيخ اتلهى بقى هو فاضل ايه تانى ؟؟؟؟حرام عليك الريجيم عجوى يامفترى؟؟؟؟؟؟؟)


أبو كيكه : انت مشوفتش حاجه يا ابو جهل ناس بتشتم بعضها بالأم(والعياذ بالله) ؟ وناس بطلع صوت وحش من منخيرها(ايه القرف ده بقى ؟) وشنبات برجاله بتتعارك مع بعضها عشان الكورة اللى مش عجباك .. دا حتى لسه واحد مطلق مراته لما عرف انها بتشجع الزبالك(اراهن انه بيستهبل وكان بيتلككلها)



أبو جهل : هناك ما يدور فى شعاب قريش(كلوب حنظله بتاعنا) بانكم قد هاجمتم القافلة البيضاء بالسنج والمطاوى فأخذتم بعيرها وضربتم اميرها وبطحتم راس بنت اميرها .. هو انتوا فكرين نفسكوا ابرهه يابو الشباب ؟!

أبو كيكه : اكيد اللى عمل كده قله مندسه وشرذمة خائنة . كل واحد فيهم هتلاقيه كان شاربله قدحين من الخمر وحابسله نفسين حشيش سيبك منهم دلوقتى .. قولى انت بس ايه اللى حصلوكوا ياعم المرعب .. سمعت انكو ختوا على قفاكم من عمايلكو ال....؟


أبو جهل : متفكرنيش ياعم الحج .. احنا اتضبطنا وخدنا على امة رأسنا .. لدرجة انى قعدت ابكى قبل ما يجيى كرشى اناوباقى الزملاء كما يبكى الفتى منكم معشر لاعبى المستديرة الساحرة اليوم وهو ينظر الى شبكة مرمه المخرومة من كتر اللي شاله .يعنى من الاخر اطحنا .



أبو كيكة : خلاص ملهاش حل غير ان انتوا تلعبوا مع الزبلكوية ما تش واللي يغلب ياخد المركز التالت



أبو جهل : خلاص راحت علينا من زمان يابنى، ... بقولك ايه يالا ما تيجي تلعب في صفوف قريش ده انت تتاكل اكل يافتى هناك وأعطيك سُرة من الدنانير وجارية مليحة و11 ناقة ؟؟
(ااه والله ده المواصلات بقت فظيعة ياابو تريكة وافق يالا انا كما معنديش مانع)


ابو كيكة(مفكرا فى ان يستغل الموقف ويطلب 12ناقة وجاريتين ) : ليه يا اخويا ؟! انت عاوز وانا بلعب معاكوا قدام الطائف أتـنـتـش سهم ولا حربة ولا عين تضيع مستقبلي ؟؟ لا ياعم أنا مش مستبيع

ابو جهلول:تبا لك ايها اللعين (مع ضحكة شيطانية )من تظن نفسك ياواد انت ياواد؟ ده لعيب من عندنا يطحنك يابنى؟
ابو كيكة :اللعنة كيف تجرؤ؟؟؟؟؟؟؟؟؟؟ خسئت !!!!!ده لمؤاخذة نضيعكوا و عذرا ياابو الجهلاليل ال ... ادب

(صوت بينادي عليا )

جامعاوي جامعاوي ...انت يامدهول


اااااااااه كان بيحلم فعلا
امال يعنى هيشوف ابو جهل فين؟؟؟هو جمعاوى لسه مرحش النار
الله اعلم بقى
وعشان اصحاب القبضات المتحمسة اللى بيكشروا عن انيابهم دلوقتى وعلى استعداد تام
لاباحة اراقة دمى(ياجماعة مليش دعوة ده جمعاوى

انا عن نفسى مش اشرس مشجعى الكورة اللى مش مستديرة خالص
ومتعصبة جدا لنادى المهندسخانة
(وده بردوا على اساس انى بموووت فى الكورة طبعا (
يااما الواحد بيضطر يكذب ويشيل ذنوب عالصبح حفاظا على ماء وجهه لو عدى قدام حد من اياهم وحب ينتقم منه

وهنا يخرج احدهم قائلا انتوا هتكفروا مشجعى الكورة ياولاد ال....
اكيد مقصدش حد بعينه ولا اقصد انى اقول كده
بس يعنى مطلعش انا بببيع لبن كل ماروح لحد اقضى مصلحة من عنده
يعملى نفسه قاعد يتعبد او يصلى ويقولى فوتى عليا بعد الماتش
حاجة تنرفز والله
لكن ده ميمنعش اننا نشجع النوادى دى بس فى وقت الفراغ يعنى
(اللى عايز بالنسبة لى معنديش فراغ والحمد لله)


مادام الالعاب الفيديو جاهزة لللعب فى اى لحظة

وكمان مقصدش اى لاعب بالذات خالص على فكرة
كان مجرد مثال برئ للاعب كورة مش اكتر
انا شخصيا لا اكن له اى ضغائن
(قواضى رد الشرف والاصابة بالم نفسى او شرخ عصبى من جراء كلمة جارحة قلتها بقى مااكترها الايام دى
وكمان بقت غالية


طبعا هنا ممنوع الزعل
لكن بس الى يوصل هنا وميزهقش ويقفل من الاول
يسال نفسه سؤال
هل تشجيع النوادى (اهلى بقى ولا زمالك)يكفى عن كل الاحداث المحيطة
نغمض عينينا عن اى حاجة عشان نتابع الماتش؟؟؟؟؟؟؟؟؟؟؟؟؟؟؟؟؟؟


يعنى مثلا لو فى فيلم فى السهرة لمحمد فوزى ولا عمنا رشدى اباظه نسيبه ولا ايه؟؟(ده كلام مثلا)

مثلا يعنى
(ملحوظة :بالفعل لا اشجع اى نوادى ولا احمل اى ضغائن نفسية او عقد لنادى بعينه)
تحياتى

اجمل مثلث فى حياتى

مش هقول كلام كتير فقط هوجه رسالة
مش بس الى من قام معى بذلك الموقف الجميل
ولكن لكل صديق
لكل صديق ابعدته الحياة ومشاغلها عن صديقه
ولكل صديق يعاند نفسه وفى خلاف حالى بينه وبين صديقه
ولكل صديق يفكر فى ترك صديقه
ولكل صديق ابتعد عن صديقه فى وقت كان بامس الحاجة اليه
كمان اكتر بقى لكل صديق وقف جنب صديقه فى مشكله
تعالى اعرف شعور صديقك ناحيتك وناحية وقوفك معاه ايا كان شكله
ولو كانت بكلمة




كلمة لها مفعول السحر فى النفوس
كلمة من صديق حقيقى لصديقه وقت الشدة
مفعولها اقوى من كل ادوية العالم
تكفى منه نظره مشجعة وكلمة حانية
فنحن بشر ومهما انفعلنا واظهرنا عداء او غضب فى اى وقت
تكفى كلمة او لمسة حانية لينكمش كل هذا الغضب وتعود راحة البال
حتى وان لم تحل المشكلة فوجود صديقك جانبك يشعرك بالامان
مهما كنت قويا وتستطيع حل المشكلة بنفسك
هذه الكلمة ازالت عنى الالام نفسية شديدة كنت اعانيها
سمعتها من 3 اشخاص مش عارفة من غيرهم كنت هعمل ايه
الحمد لله لى اخوتى يهونون على مشاكلى باستمرار عند حدوث اى شئ
ولكن نظرا لتساوى اعمارنا-صديقاتى وانا-احسهم شئ اخر
فبمجرد ان علموا بحدوث مشكلة لى لم تتوان احداهن -ادامهم الله لى نعم الهدية-عن الاطمئنان
وشد ازرى وتشجيعى على نسيان مشاكلى والبحث عن حل بهدوء
وبمحاولات رقيقة مثلهم ازالوا بكائى وحولوه الى ضحكة صافية
لا يصدقها من كان يرى دموعى وبكائى من وقت قريب
بمجرد ان احسست باهميتى عندهن وحزنهم لاجلى احسست
بانه لايحق لى ان احزن وانا امتلك تلك المجموعة الرائعة من الصديقات
حتى لااسبب لهم اى شعور بالحزن على.
احساسى ان دموعى لها قيمة عند احد غيرى غير من شعورى تماما
فبدل من حزنى على ماقد تم احسست بسعادة بالغة
وكيف لا وهناك من يحبنى انا مثل هذ الحب
عندما تدرك قيمة شيئا لم تكن تقدره حق قدره
تشعر بالامان والفرح الشديد لامتلاكك واياه
انا بس مش عارفة اوجه ليهم شكر الزاى
انا بس عايزة اوعدهم انى بجد عمرى ماهنسى وقوفهم معايا
عايزة اقولهم ان الضحكة اللى صنعوها هما على وجهى ليها
قيمة اكتر من كنوز الدنيا عندى
واحسن من اى ضحكة ارتسمت على وجهى من زمن طويل
(مش طويل اوى بما اننا متفقين انى مش عجوز فى ال98 من عمرها)(اكيد ده مفروغ منه
ليى 3 صديقات اغلى عندى من الذهب ومن كل الكنوز
بالفعل هما كنزى فى هذه الدنيا
يارب خليهم ليا
حسه انى عايزة اخليهم سعداء دايما هما كمان
وحسه انى لو كنت بحبهم بنسبة 100%قبل كده
اصبحت دلوقتى 1000000%

اللى عايزة اقوله اكتر من كل حاجة
الانسان ميبخلش بحنانه مادام قادر عليه
لان البخل فى المشاعر قاتل ومدمر
ويقتل كل شئ جميل داخل الانسان
ويتركه اشلاء مبعثرة من الصفات الكريهة
ايه الى هنخسره لما نقول كلمة حلوة او
نضم بعض بلمسة حنينة
نبطل نشيل من بعض
ليه دايما الواحد بصراحة دايما يفهم غلط وبمزاجه
ويعاند لما يعرف الحقيقة
ليه كلمة اسف صعبة على لساننا
رغم انها بتنزع البغض والاثار السيئة
اعتقد ان اثر لمة الاصحاب والناس مع بعضها
لهو افضل الف مرة من تنافرهم بسبب عند احمق
الخلاصة
لا غنى عن الوجود الاخر فى حياتك
فابحث عنه حتى تجده
وعندها تشعر بصورة الحب كاملة وقد تراءت لك اركانها

تحياتى وتمنياتى

Did u try????HOpe answer be NO

جربت؟
جربت تبقى مخنوق من الدنيا كلها
وعايز حياتك تنتهى لحد هنا. جربت انك تحس انك مقيد فى كل تصرفاتك حتى ابسطها؟ واللى بيقيدك سلسلة من المخاوف مالهاش قيمة .ايوه مالهاش قيمة .حياتنا مليانة قيود فرضناها على نفسنا بنفسنا لا الدين والا الشرع بيفرضوها علينا بيفرضها علينا اهتمامنا بكل حاجة ملهاش لازمة الناس الحاجة الكبيرة والكلمة الغامضة اللى مش فى كائن معين كلمة الناس ,الناس هتقول, الناس هتعمل, الناس هتبص, الناس هتحسد , عينين الناس وحشة نبعد عن كذا عشان الناس, خلينا فى حالنا محدش حاسس بينا مش ناقصين. ايه اهمية الناس اللى كل وظيفتهم فى الدنيا انهم يعملوا كده, الانسان اللى مش وراه فى دنيته غير انه يضايق اللى حوله ويقيد اللى حوليه بلسانه ونظراته وطباعه المؤذية الغيبة والنميمة قيود بقت بتقتلنا كل يوم وبنسكت وادى احنا عايشين والمجتمع كله كده كانوا زمان يقولوا ان فى ميزة فى الارياف الناس كلها عارفة كل حاجة عن بعضها البيوت كلها مفتوحة على بعضها لكن المدن محدش دريان بالتانى مين قال كده بالعكس انا لقيت العكس حاصل دلوقتى لما بقيت اسافر البلد بتاعة والدى القرية الصغيرة لقيت ان الناس اتغيرت ومحدش عارف حاجة عن حد كل البيبان مقفولة فى حين اجى ابص هنا فى مكان بمدينة مكان سكنى الاقى الناس واقفة تعرف ده رايح فين وكان فين ولو لزم الامر لو حد فيهم خلاص مش قادر واتزنق اوى ولازم يعرف بقى وملقاش طريقة مفيش اى مشاكل انه يسال بكل جراة لأ ويسال مين يسال اهلك او حد يعرفك!!!!!! احساس مقيت انك متراقب وانك بلا جدران كل حياتك ملك للاخرين ممن يدسون انوفهم فيم لايعنيهم ولما يظهر ضيقى من الموضوع ده تجد الالاف الافواه ان مش مشكلة وفيها ايه يعنى هو السؤال حرم؟ بيطمنوا بردوا عادى ومادام مفيش غلط مننا خلاص.
لكن اما تجد التدخل وصل لدرجة منعك من مواصلك حياتك العادية لانك تحت الميكروسكوب يبقى كتيييير اوى







ماذا عن كائن لا يشعر بالارتياح وأعين تراقبه؟ اين سعادته وحريته فى يمارس اقل حق من حقوقه لاامقت شيئا فى حياتى سوى شرزمة من اناس فارغو العقل والبال لا يجدوا مايفعلوه سوى اضفاء نوع جديد من المتاعب على حياة الاخرين الذين لا ذنب لهم سوى مشاركتهم فى منزل واحد ويبدو ان تلك العادات قاطنة فى نفوس البشر ولا علاقة لها بدرجة الرقى او المكان فقد لاحظتها فى اكثر من مكان ومع اكثر من شخص يحدث لهم نفس الشئ ويعانون منه اما عن اكتر شئ اثارنى واحسسنى بالرغبة فى انهاء حياتى مشادة قاسية حدثت بان اطلقت ما فى نفسى من كبت وضيق شديد فى الشخص الغير مناسب لانه تواجد فى وقت غير مناسب مما تسبب عنه اثار بالغة السوء ولست ادرى شيئا عن كيفية اصلاح كل هذا فقد بلغ منى الضيق مبلغه اليوم تحديدا ولم استطع سوى كالعادة الانفجار فى وقت غير مناسب بعد ان تصاعدت رغبتى فى الانفجار من قيود بلهاء نحيط انفسنا بها ونصدقنا وتضيق حولنا حتى تكاد تقتلنا معنى ذلك انك تلاقى نفسك محروم من انك تحقق اى فكرة حلمت بيها لواقع وتفضل كلها مجرد اوراق حتى الافكاااااااار لازم نفكر قبل مانفكرها لازم اسال الاول افكر فى ايه ومسمحش لخيالى انه ينطلق فى ايه ايه الحل بس مش عارفة اللى اتمناه انى اعرف اصلح الخطا الجسيم االلى ارتكبته بعد خطئى فى انسان ميستحقش منى غير انى احترمه فعلا
من اكتر العيوب التى لم استطع اصلاحها فى شخصيتى
التسرع
الانفجار وعدم القدرة على كبت المشاعر وقت الغضب الشديد(مفيش عندى والكاظمين الغيظ)للاسف
والتسرع فىالحكم على الناس من موقف معايا ممكن يكونوا عملوه فى وقت ضيق او زعل
والعكس والنقيد بردوا
الانبهار بالشخصيات والناس من اى فعل بسيط ممكن انا نفسى اكون بعمله كتير ومش واخده بالى
واعتبارهم شخصيات رائعة واظل مخدوعة حتى تاتى الطعنة اللى تثبت انهم مش بالروعة دى
كل مااتمناه فعلا دلوقتى وصورته قدامى انى عايزة
اهرب من كل ده واروح مكان زى ده مفيش اجمل من منظر الشلالات
والابداع الربانى ده


بس للاسف اصبح من غير الممكن فى الفترة دى
فقد حان موعد الهجوم الدراسى من سنة سادسة
ربنا يرحمنا منها ونخلص على خير
ويجعلها اخر الاحزان
مووودى كئيب اوى
كفاية تطويل فى الموود ده
الدنيا مش ناقصة نكد
كفاية الجرايد واللى فيها
سلام

مشربتش من نيلها ,طب اشرب وبطل تشتمها

انا مصرى؟وانت كمان؟؟؟؟؟


مصر هى امى
(بس مش امى انا لوحدى طبعا عشان محدش يتفاجئ
بالقرابة دى ويفتكر بقى عندى كوسة من نوع جديد)
قالوها كده من واحنا صغيرين
(مصر هى امى واللى يجيب سيرة امى .......)
قالها المؤرخ الكبير اوى طلعت زكريا
بس ياترى فعلا اللى يجيب سيرتها
هعمل فى ايه اكيييد مش هسلم عليه

واهو جاب طيب اعمل ايه
اما تسمع بلدك وبلد كل الناس دى بتتشتم قدامك ومتقدرش تعمل حاجة
ليه عشان خايف
من ايه ؟
مش عارفة بس الخوف بقى شئ طبيعى فى مجتمعنا
ليه او من ايه مش عارفة بالضبط بس طلعنا كده
يعنى على سبيل المثال
راكبة تاكسى عادى زى اى تاكسى عادى وزى باقى المواطنين الشرفاء الصالحين
مع سواق شكله محترم(ده اللى كان باين عليه من بره)
بس المظاهر خداعه
فاذا بيه مخنوق منى
ليه
عشان ركبت من قدام الحزب
واانا مالى ياعم
متعرفوش
المهم عمال يستفزنى عشان اتكلم معاه عن اوضاع البلد


وانا فى التراوة
مزيد من الاستفزاز
قلت انا ايه
قلت ياواد طنش خااااااااااالص
شويه وبدات الحاجة اللى حرقت دمى وفورت دمى
ابتدى يشتم البلد بالفاظ اقل مايقال
عنها انها بذيئة جدا
ومكنش ينفع يقولها قدام حد محترم بغض النظر انه يقولها قدام بنت
بس تقريبا الموضوع ده مفرقش معاه كتير
اللى لاحظته انه كان معتبرنى
جاسوسة
وعميله


مش فاهمة ليه
وكلامه عن البلد !!!!!
الزاى حد يشتم وطنه كده
يعنى بيشتم نفسه
هو الوطن ايه؟؟؟؟؟؟
مش حكومة
ولا مكان
الوطن احنا الناس كلها اللى فى
انا وانتوا وابئنا وامهاتنا وقرايبنا
الشعب كله
يبقى ليه اشتم بلدى
فى حين كان بيموت كل يوم زمان الالاف عشان
يرفع علم مصر على بقعة صغيرة من ارض مصر
ولا احنا مش هنحب البلد الا لو محتلة
مين اللى كان بيمشى فى المظاهرات
مين اللى كان بيعمل جماعات ضد المحتلين
فين الناس دى؟؟؟؟؟؟؟؟؟؟؟؟؟
مش كانوا المصرييين
امال احنا ايه
؟؟؟؟؟؟؟مش مصريين بقينا بنشتم فى البلد اللى عايشين فيها
بدل ماكل واحد يصلح غلط كله بيرمى على بعضه
والاخر نشتم البلد
ده طبعا كان بيتخلله مزيج بشع
من الدعاء والشتيمة فى العربيات المجاورة
وياحبذا لو واحدة بنت او مدام اللى سايقه

الظريف بقى انه بيقول كلام فظييع جدا
كله ده ومعتبر انه مركب معاه
كيس هوا وراه او مجرد بالونة قاعدة
مفيش مشاكل
بس طبعا على الرغم من اعتراضاتى البطولية
كانت مجرد افكار غاضبة بتدور فى مخيلتى
لم اجرؤ على البوح بها
لان طبعا كان لازم اسمع كلام الكبار
متركبيش تاكسى لوحدك
لو ركبتى
متعنديش وتقفلى دماغك معاهم عشان ربنا يكرمك وتوصلى بالسلامة

وبعد كل اللى عمله فى المشوار اللى مايعلم بيه الا ربنا ده
وقفنى بعيد عن المكان اللى كنت هنزل عنده
مع نظره كان ليها مفعول السحر انى مفتحتش بقى ونزلت فورا
(اكيد ماكنتش نظرة دباحة كما يحلو للبعض ان يتصور)
كان شبه سمكة قرش حد عضها وطالعاله توريه شغله


لا والمستفز بقى
انه كل ده وكان مشغل الكاسيت بتاع العربية
على ايه؟؟؟؟؟؟؟؟؟؟؟
لا مش قرآآآآآآن (بعد كل الشتيمة دى يعنى؟؟؟)
كان رومانسى جدا ومشغل
آل ايه
جورج وسوف اغنية اه ياليل العاشقين
آل ليل العاشقين آل
حسبى الله ونعم الوكيل